2015. urtean Beti Gaztek 75 urte betetzen zituela aprobetxatuz hainbat izan ziren urtean zehar antolatutako ekintza arrakastatsuak. Beti Gaztetik harro sentitzen gara urte horretan bizitutako eta sentitutako guziaz, baita jasotako laguntzaz ere.

LOGO LEHIAKETA

2015 urtean sartu antzinetik logo lehiaketa bat antolatu zen. Guztira 26 izan ziren auzkeztutako logoak; horietatik 20 lan lesakarrak izan ziren. Bertzeak Beintza Labaien, Alburquerque (Badajoz) eta Villavatik jaso genituen.

Behin lanak jasota botaketa ireki baten bitartez bazkideek lan hobenak aukeratu zituzten. Ondotik, Beti Gazteko zuzendaritza-batzordeak boto gehien jaso zituztenen artean irabazlea aukeratu zuen, hau Eloi Lopez Txoperena lesakarra suertatuz.

MARTXA ERREGULATUA SAN ANTONERA

Eguraldia lagun, 2015eko urtarrilaren 18an Beti Gazteko 75. urteurreneko lehendabiziko ekintzaz gozatu genuen; martxa erregulatua San Antonera. Guztira 81 pertsonek hartu zuten parte, 34 bikote-hirukotetan antolatuz.

Parte hartu zutenek kamiseta bat jaso eta San Antonen pintxo bat dastatzeko aukera izan zuten. Honez gain, irabazleak bastoi eta painulu batekin premiatuak izan ziren ere. Maite Zapirain eta Bautista Bereau izan ziren irabazleak. Bigarren Gurutze Txoperena, Andrés Ostolaiz eta Jose Mari Gurrutxaga izan ziren, eta azkenik, hirrugaren postuan Ainhoa Ubiria, Alaia Alzugaray eta Esther Guruchetek osatutako hirukotea gelditu zen.

ARBOLAREN EGUNA

Otsailaren 21 eta 28an Gardelkopagoetan Arbolaren egunak ospatu genituen. Naiz eta eguraldiak ez zuen batere lagundu lan guztiak gauzatu ziren Irain Eskolako eta Tantirumairu Ikastolako haur naiz gurasoen aldetik. Arcelor Mittaleko langileak ere lanean aritu ziren.

Guztira 30 bat lagun aritu ziren lanean, 50 pago, bertako 50 haritz, 30 lizar, 2 gereziondo eta 4 intxaurrondo. Bereziki eskerrak eman nahi dizkiogu Carlos Txoperenari, berari esker landatze lan guztiak eraman ziren eta.

LESAKA-HONDARRIBIA, HONDARRIBIA-DONOSTIA, DONOSTIA-ZARAUTZ IBILALDIAK

75. urteurrena zela eta, hiru izan ziren urtean zehar egindako ibilaldiak.

Lehena martxoaren lehendabiziko igandean egin zen. Guztira 51 pertsona animatu ziren LESAKA-HONDARRIBIA ibilaldia egitera.

Bigarrena, HONDARRIBIA-DONOSTIA martxoaren 29an izan zen, 60 pertsonek parte hartuz. Hiruetatik arrakasta gehien izan zuena dugu hau.

Azkena berriz, DONOSTIA-ZARAUTZ, maiatzaren 3an izan zen, 50 pertsonak parte hartuz.

Orokorrean balorazioa hagitz ona egin zen, giro ederra egon baitzen hiru irteeratan, nola ez, bazkari eder batekin bukatuz.

BANDEN ALARDEA

Maiatzaren 9an Banden Alardea ospatu genuen Lesakan. Bertan zonaldeko 3 musika bandek parte hartu zuten: Berakoa, Baztanekoa eta Lesakakoa.

Arratsaldeko 17:30etan eman genion hasiera egitarauari, herrian barna puntu diferentetatik kalejirak eginez. Ondoren, hiru kontzertu egin ziren herriko plazan. Azkenik, arratsaldeko 19:00tan musikari guztiak elkarrekin Beti Gazteko himnoarekin eman zioten bukaera egitarauari.

Herrian giro aparta jartzeaz gain, jende ugari hurbildu zen herrira kontzertuez disfrutatzeko.

HERRI OLINPIADAK

Ekaina hilabetean zehar herriko Gazte Asanbladarekin elkarlanean lehendabiziko Herri Olinpiadak ospatu genituen. Guztira 60 lagunek hartu zuten parte, 9 talde mixtotan banaturik.

Kirol eta habilezi proba desberdinak jokatu zituzten hilabetean zehar (saskibaloia, ping-pong, mus, ginkana…), finalak uztailaren 4ean ospatuz, Herriko Zarandiako bestekin koinzidituta.

Balorazioa hagitz positiboa izan zen, probetan partehartze eta inbolukrazioa mailaren gainetik nagusituz.

AGERRATIK HIMALAYARA TXARLA-PROIEKZIO

Ekainaren 27an Manttale Mendi Lasterketa Taldeak75. urteurrenarekin elkarlanean, hitzaldi-proiekzio bat eskaini zuen Harriondoan, “Agerratik Himalaiara” gaiaren inguruan. Patxi Pikabea, Sabino Korta eta Ana Larretxea izan genituen hizlari. Sarreretan lortu zen diru-kopurua Nepalen izaniko lurrikaren ondorioz kalteturik izan direnei bideratu zen.

CONCENTRACIÓN DE GIGANTES/ ERRALDOIEN TOPAKETA

Uztailaren 5ean antolatutako Erraldoien Topaketa zela eta, 18 erraldoi bildu ziren, musikarien eta buru-handien laguntzarekin, kalejiran ibiliz herriaren barrena. Herri hauetako konpartsak bildu ziren: Igantzi, Bera, Etxalar, Sunbilla, Doneztebe, Elizondo eta Lesaka. Ekitaldi arrakastatsua gertatu zen eta jendea oso gustura gelditu zen.

Arratsaldean Herri-Kirol erakustaldi bat izan zen, hori ere oso arrakastatsua suertatuz, jende aunitz bildu baitzen hura ikustera.

SAN FERMINETAKO TXUPINAZOA

75. urteurrena zela eta, Lesakako Udaletxeak gure klubari uztailak 6an bestei hasiera ematen dion Txupinazoa botatzeko aukera eman zigun. Zuzendaritza Batzordeak Basilio Etxebeste eta Maria Ubiriari eskaini zien aukera hau. Basilio, lehendabiziko futbolari generaziokoa eta Maria berriz, orduko bazkide zaharrena 93 urteekin. Txupinazoa berezia eta unkigarria izan zen.

DÍA DEL EZPATADANTZARI

Abuztuaren 9an, hain zuzen ere Elkarteak 75 urte bete zituen egunean, Ezpatadantzarien Eguna ospatu genuen, parte-hartze arrakastatsuarekin, 103 dantzari aritu baitziren dantzan. Nahiz eta eguraldi txarra egin, aurreikusitako programa guzia bete zen.

Momenturik ikusgarrienak izan ziren Elizarako igoera, Zubigainekoa, Onin errekako 4 zubi hartuaz, eta Plaza Zaharrean egin zen “Ziharkakoa”, 100 metroko bi ilara egin baitziren Beheko Plaza eta Arretxea karrika aldera.  Banderari dantzatu zitzaion aurreskua ere ikusgarria izan zen.

Ondotik, udal pilotalekuan herri-bazkari batekin ospatzen jarraitu zen, guztira 340 pertsona inguruk parte hartuta. Elutxa Txarangak bazkal garaia eta ondotik egindako poteoa bere musikarekin animatu zuen.

Egun ahaztezina izan zen, herri guziak babesa eman baitzion egunari, dantzek eta emozioak markatu zutena.

MENDI ELKARTEEN EGUNA

Urriako lehendabiziko igandean, Nafarroako Mendi Elkarteen Eguna, gure elkartearen eta Iruñeko Oberenaren artean antolatutakoa (hauek ere aurten ospatzen baitute 75. urteurrena) ospatu zen. Hagitz arrakastatsua izan zen eta mendizale giro aparta zegoen.

Eguneko martxa kiroldegitik hasi zen, Frain mendira igo, Piedadeko gainera iritxi, eta herrira buelta egin zuten mendizaleek. 300 lagundik gora hartu zuten parte, eta gero bazkari autogestionatua eta besta amaiera udal pilotalekuan egin zen Elutxa Txarangak bertan giroa jarriz.

GILTZARRI KORUAREN KONTZERTUA

Azaroaren 7an,  larunbata, Lesakako Harriondoa Kultur-Etxeko Txokobiko auditorioan, Giltzarri Abesbatzak kontzertu bat eskaini zuen Beti-Gazteri omenaldia egiteko 75. urteurrena zela eta. Guztira 11 kanta interpretatu zituzten.

EDURNE PASABANEN “ PRINEOTATIK HIMALAIARA” HITZALDIA

Azaroaren 13an Edurne Pasabanek, Lesakako Kultur Etxean, 75. urteurrenaren inguruan antolatutako hitzaldi Eder bat eskaini zuen. 100 lagun inguru joan ziren.

Ekitaldia aurkeztu ondotik, bere mendizale biziari errepasoa eman zion eta hainbat bideo proiektatu zituen egin dituen azken zortzi milen inguruan. Hitzaldia hagitz interesgarria izan zen.

OLENTZERO DEL BETI GAZTE

75. urteurrena dela eta, Beti-Gaztek parte hartu zuen abenduaren 24ean antolatzen den Olentzero egunean, lehiaketaren ondotik plazan bazkide ugarik kantatuz eta gero, arratsaldean, kalejiran parte hartuz. Parte-hartze handia izan zen

75. URTEURRENEKO AZKEN EKITALDIA

75. urteurreneko azken ekitaldia ilbeltzaren 2an ospatu genuen. Arratsaldean zehar, haurrentzako joku ezberdinak egin ziren, txokolatada eta guzti.

Ondoren, eta Beti-Gazteren himnoa Elutxa txarangak jotzen zuen bitartean, bandera jaitsi zen, eta azkenik, su-artifizialen erakustaldi ttiki bat egin zen.

Ekitaldi guztietan jende aunitz elkartu zen, arratsaldeaz gozatu zutenak.

ESKERRAK

Beti Gazte elkarteak lan aunitz egin du 75. Urteurreneko ekitaldi hauek antolatzen. Horietako batzuk benetan ikusgarriak eta unkigarriak izan dira.

Baina ekitaldi guzti hauek ezin izango genituen aintzinera eraman aunitzek emandako laguntza gabe. Eskerrik asko!