Heldu den ekainaren 3an, igandea, Elias Garralda VI. Margo Azkarreko Lehiaketa ospatuko dugu Lesakan.

LEHIAKETAREN OINARRIAK

* Lehiaketa 2018ko ekainak 3an izanen da, Lesakan.

* Parte hartzaileak:  Edozein margolarik har dezake parte.

* Gaia: “LESAKA HIRIGUNEA” . Tomasenekobordako errotondatik Matxiteneraino. Igantziko karreteran Ote  Kaleko bukaeraino.  Edozein teknika eta korronte estetiko erabil daiteke.

* Lanaren alde luzeenak ezin izanen du metro bat baino gehiago neurtu.

* Parte-hartzaile guztiek margotzeko materiala ekarriko dute. Hala ere, bakoitzari  20 euro emanen zaizkio bere gastuei aurre egiteko. Diru hori obra aurkeztean emanen zaie. Debekaturik dago argazki kamarariK erabiltzea margolanak burutzeko.

* Lanen zigiladura:  Beti Gazte Elkarteko egoitzan, Beheko Plazan 9-1º izanen da, 8.30etatik 10:00 bitartean. Inskripzioa zigiladuraren momentuan eginen da.

* Lanen aurkezpena: Lanak Beti Gazte Elkarteko egoitzan aurkeztuko dira 13:30etatik 14:00 bitartean.  Eginiko lanak saldu nahi dutenek prezioa finkatu beharko dute aurkezten duten unean. Margolari bakoitzak margolan bakarra aurkez dezake.

* Nahi duten margolarieik bazkari bat egiteko aukera ematen zaie egun berean. Norberak bere bazkaria ordaindu beharko du.

* Epaimahaia:  Elkarteak izendatutako  epaimahai batek aukeratuko ditu lanik hoberenak. Epaimahaiaren erabakia apelaezina izanen da.

* Epaimahaiaren  emaitzak arratsaldeko 6etan ezagutzera emanen dira Alondegiko arkupeetan. Aurkeztutako lanekin erakusketa bat egingo da Alondegiko arkupeetan arratsaldeko 6ak arte.  Lehen saria Antolakuntzaren esku geratuko da.

* Sariak:

1go Saria: 500 €

2. Saria: 300 €

Herriko margolarien artean obrarik hoberena: 150 €

* Parte-hartzaileek baimena ematen diiote antolakuntzari  aurkeztutako lanen irudiak erabiltzeko.

* Lehiaketa honetan parte hartzeak jarritako baldintza hauek ontzat ematea suposatzen du.

 

OHARRA: Antolatzaileek bere ardurapean hartzen dute margo-lanak arretaz zaintzea  baina ez dute erantzunkizunik izango baldin bere errurik gabe okerrik gertatuko balitz.

 

HAUR MARGOKETAREN EGUNA

* Nahi duten haur guztiek parte har dezakete.

* Lehiaketa ekainaren 3an, igandean, izanen da LESAKAN.

* Hiru  maila bereiztuko dira:

A Maila: 2010 -2011an jaioak

B Maila: 2008-2009an jaioak

C Maila  2006-2007an jaioak

* Parte hartzaile guztiek   margotzeko materialak ekarri beharko dituzte. Antolakuntzak margotzeko taula emango die.

* Maila bakoitzean  marrazki hoberenek  saria  izango dute

* Inskripzioa lehiaketaren egun berean Beti Gazteren egoitzan.

* Margolanen gaia “LESAKA” izanen da.

* Lehiaketa 11:00tan hasiko da eta 13:00tan bukatuko da.