2023ko Nafarroako 4×4 Sokatira Txapelketa abiatuko da larunbat honetan, apirilaren 1ean, Lesakan. Udal pilotalekuan arituko dira tiran, arratsaldeko 17:00etatik aitzinera. Lehen tiraldi hauetan emakumeen 255 kiloko eta gizonezkoen 320 kiloko kategorietako lehen jardunaldiak jokatuko dira. Lehen tiraldietan, Beti Gazterekin batera, Amaiur A, Amaiur B, Antsoain, Araxes, Berriozar eta Txantrea arituko dira lehian. Bigarrenean berriz, etxekoen kontra, Amaiur, Antsoain, Berriozar eta Txantrea ibiliko dira.